شباب 25 يناير..الثورة لسا ماخلصتش
الثورة مش بس سياسة
الثورة يعنى نغير كل عادتنا السلبية
من النهاردة دي بلدك انت،
تاريخك انت، وطنك انت، بيتك انت.
ماترميش زبالة،
ماتكسرش إشارة،
.ما تمشيش عكسى
ما تدخلش من باب الخروج فى ا.لمترو
ماتقولش "وانا مالى"
ماتدفعش رشوة،
ماتزوّرش ورقة،
اشتكي أي جهة تقصّر في شغلها..
متسمحش لظابط يعذب مصري زيك
اعرف حقوقك وواجباتك عشان محدش يعتدى على حقك او تعتدى على حق حد
هنعامل بعض بالتساوى مفيش حد احسن من حد الغنى زى الفقير..
استمتع بحياتك..
اقرا وثقف نفسك..
حب نفسك وحب الناس اللي حواليك..
اوعى تعاكس بنات في الشارع..
اوعى تهين حد..
اوعى تسخر من حد..
أوعى تنسى حريتك أبداً..
اوعى ماتشتركش في الانتخابات....خلي بلدك اجمل بيك
دى النص الرسمى
ميثاق الحرية
اتعهد انا ....المواطن المصرى
انى سأكون على قدر المسئولية التى دفع ثمنها شهداء 25 يناير,
وانى سأحافظ على ماحققناه من حرية وكرامة في تلك الثورة الشريفة ,
بأنى سوف احافظ على حريتى وكرامتى ما حييت,
وكذلك حرية وكرامة المواطنين المصريين مادام الى ذلك سبيل ,
وانى من اليوم ساعمل جاهدا على النمو بوطنى ,
باذلا كل ما يلزم لذلك من وقت وعلم وجهد,
بكل اخلاص وحب ,
واننى سوف احرص على تنمية حلمى ومهاراتى الشخصية باستمرار لنواكب التطور .
وانى سوف اقدم الحب والعطاء لشركائى في الوطن,
مهما كان عمره , جنسه , ديانته , او مستواه الاجتماعى , لنقضى على آفات المجتمع من فقر وجهل ومرض ,
واتعهد ان احترم الرأى والرأى الآخر واتناقش من اجل الوصول للحق والحق فقط .
لن أسب ولن أتطاول على أحد وسأحرص على التخلى بالاخلاق الحميدة في معاملتى .
سأبتسم في وجه الناس ماستطعت .
وسأحاول تيسير الامور عليهم ومساعدتهم بما أملك من وقت وجهد .
لن أغش ولن أدلس وسأعترف بجهلى وخطئى و أحاول اصلاحه ماستطعت .
لن اسمح لاى احد ان يبث الفرقة والفتنة بين الشعب المصرى بجميع طوائفه.
وسأدافع بروحى وكل ما أملك من اجل سيادة الوطن واستقراره و أن يرتقى بسواعد مواطنيه لأعلى المراتب .