بوابة الهدايا محل جميل يحتوي على الكثير من الهدايا التي نُقدمها لمن نُحب
وفي يوم ذهبت لأشتري هدية بسيطه لإنسان عزيز
المهم وأنا أختار الهدية جان الفلبينية يا حليلها { عندها شنب على فكره واع}
تقولي { هزا هدية حق منو حق حبيبه مال إنتا }
قلت { لأ حق صديق عزيز علي }
جان يبدأ النقاش والحوار الساخن طبعاً إهي تتكلم عربي مكسر على انجليزي وأنا عربي 100% على فارسي ككككك
تقولي
أغلب البنات والشباب ايون المحل يشترون هدايا حق { بوي فريند } أو{ قيرل
فريند } ويخلون الهدية عندي وتقول إذا يا ريال إسمه أحمد أو محمد عطيه
الهدية , يصير ساعه وإي الريال وياخذ هديته ويخلي هدية يقول إذا يت فاطمه
أو عمشه عطيها هالهدية
وتقول يت عندي بنت عمرها تقريباً 30 سنه مع ولدها
وشرت هدية وولدها يقولها يمااا الهدية هذه حق بابا ؟ الأم ساكته جان تقولي
خلي الهدية وراح إي ريال ياخذها , شوي جان إي واحد يسأل عن الهدية وعطيته
وسألته هذه زوجتك ؟ قال لا هذه ارفيجتي المهم خذا جزء صغير من الهدية
والباجي قالي اخذية حقج قلتله ليش ؟ قالي ما أقدر أدخله البيت شقول حق
زوجتي ؟
المهم خلا عندي جيس ثاني قالي إذا يت نفس البنت عطيها هالجيس
ويت
البنت وخذت بس مدالية على حرفها وباجي الهدايا { دببه ونعل ودلاغات وكل
شيء } قالتلي خليهم حقج سألتها ليش ؟ قالت شلون أدخلهم البيت شقول حق زوجي ؟
وهالمسكينه بكلا الأحوال رابحه الهدايا
وتقول بعد إيوني بنات يقولون لي عفيه عطي الهدية هذه حق فلان بس لا تقولين له عن شكلي { لأنها نعيه وما تبيه يشوفها }
وتقولها أنا أضبطج بوي فريند كويتي تبين ؟
تقول لأ ما أبي كويتي كله جذاب وخربوطه
المهم القصص وايده وتضحك
وهي أن الشباب والبنات إتخذوا من هالمكان تبادل هدايا من ورا أهلهم
و المتزوجات إلي يخونون أزواجهم بهذه الطريقه